Contoh Tata Ibadah Perayaan Natal Punguan Marga - Timothy Saragi

Kelahiran Tuhan Yesus menjadi suka cita bagi umat manusia. Kelahiran Yesus membawa pengharapan dan cinta kasih di dalam kehidupan manusia. Manusia yang dipenuhi oleh dosa kini beroleh sukacita dan pengharapan karena Mesias telah lahir dan membawa suka cita. Suka cita Natal ini dirayakan oleh semua orang yang ada di dunia. Begitu juga dengan Punguan Marga di berbagai tempat. Berikut contoh Tata Ibadah Perayaan Natal Punguan Marga. Tata Ibadah ini saya susun khususnya untuk Perayaan Natal Punguan Parna Ngawi dan sekitarnya yang dilaksanakan pada Minggu, 1 Desember 2024. Semoga bisa menjadi referensi dan semoga bermanfaat amang/inang. 

PERAYAAN NATAL PUNGUAN 

POMPARAN NI RAJA NAI AMBATON (PARNA) 
NGAWI DAN SEKITARNYA 
Minggu, 1 Desember 2024 

Tema 
Jahowa Papatar Hatuaonta (bdk. Psalmen 98:2).

Sub Tema
Marhite Perayaan Natal Punguan Parna Ngawi dan Sekitarnya Marlas ni Roha ma Hita Manjanghon Hatuaon Sian Jahowa jala Marolopolop Pasangap Sipalua i. 

I. Pangaradeon

II. Salam Pembukaan sian MC 

Shalom! Asi ni roha ma di hita saluhutna!

Hatutubu ni Tuhan Jesus gabe las ni roha situtu do di angka jolma. HatutubuNa mamboan panghirimon na mangolu jala holong ni roha di ngolu ni jolma. Jolma naung gok dosa i nuaeng taruli las ni roha, panghirimon na mangolu ala naung tubu do Mesias i jala mamboan hasonangan. Las ni roha Natal dihalashon jala dipestahon nasa bangso na adong di portibi on. Nang hita pe Punguan Parna Ngawi dan sekitarnya, tahalashon do hatutubu ni Sipalua i, marpungu hita di inganan on laho manghalashon hatutubu ni Sipalua i di ngolunta. Ala ni i, tapuji ma Tuhanta, rap jongjong ma hita manomunomu Barisan Prosesi huhut mangendehon BE No. 616 “Ulina i di Borngin na Badia” ayat 1 – 2. 

III. Barisan Prosesi (Jongjong ma Ruas di Ingananna be)

Paragenda, Parjamita, Siboan Tangiang Pangondianon, Ketua, Sekretaris, Bendahara dohot Panitia Mamasuki Gareja. 

Huhut Marende BE No. 616 “Ulina i di Borngin na Badia” ayat 1-2

Ayat 1
Ulina i di borngin na badia, humirdophirdop do bintang disi.
Di borngin i do tubu Sipalua, di panggagatan di Betlehem i.
Portibion dangol gok haholomon marnida sondang ni Tuhanta i.
Ulina i marende do suruan.
Di borngin i do tubu Kristus i, di borngin i do tubu Kristus i.

Ayat 2
Sian na dao parroha sian Purba ro do tinogihon ni bintang i.
Marsinggang be nasida lao marsomba tu Jesus Kristus Sipalua i.
Ibana ro sian banua ginjang lao paluahon hita jolma i. Ulina i, d.u.

IV. Joujou Pamujion 

Uluan: 

Di mulana i nunga adong Hata i, jala saor tu Debata do Hata i, jala Debata do Hata i. I ma na saor tu Debata di mulana i. 

Huria: 

Saluhutna i marhite sian Hata i do, umbahen na manjadi; jala ndang adong nanggo sada sian naung jadi i, na so marhite sian i. 

Uluan: 

Di bagasan Hata i do hangoluan; laos hangoluan i do Panondang ni hajolmaon. 

Huria: 

Gabe daging ma Hata i jala maringan di tongatonga ni hita on, jadi huida hami ma hasangaponNa, i ma hasangapon ni Anak sasada na sian Ama i, gok asi ni roha dohot hasintongan. 

Uluan: 

Pauli hamu dalan di Jahowa; patigor hamu di adaran dalan balobung di Debatanta. 

Huria: 

Ingkon gohan do nasa rura, jala parejeton nasa dolok dohot buntulbuntul, jala gabe na hornop do na marnangkok tuat, jala gabe rura tanggurung ni dolok. 

Uluan: 

Mariaia situtu ma ho, ale boru Sion, marolopolop ma ho ale boru Jerusalem! Ida ma, na ro ma rajam tumopot ho, partigor Ibana jala siparmonang; na serep do rohaNa jala marsihundul di halode dohot di anak ni halode inaina. 

Las ma rohanta nunga tubu Sipalua i di hita jolma pardosa. Ro Ibana sian hasangaponNa, gabe jolma laho manobus dosa ni hajolmaon. Gabe rade haluaon di hita. Antong tapuji ma Tuhanta dibahen holongNa na balga i di hita: 

Marende BE No. 605 “Las ma Roham Tuhanta Ro” ayat 1-2 

Ayat 1

Las ma roham Tuhanta ro, gumomgom sasude.

Ungkap roham, jangkon Rajam,

marende ma sude, marende ma sude, 

marende, marende ma sude.

 

Ayat 2

Tano nang laut, harangan i, nang awangawang i;

hauma i, nang sunge i olophon Raja i,

olophon Raja i, olophon, olophon Raja i. 

V.    Kebaktian 

1.    Votum + Ayat

Uluan: 

Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na manompa langit dohot tano on. 

Huria: 

Amen.

Uluan: 

Marlas ni roha ma hamu tongtong di bagasan Tuhan i! Huulaki ma mandok: Marlas ni roha ma hamu! Ida ma, nunga dipapatar Debata Hamuliaonna i binahen ni asi ni rohaNa na manongtong i. Dilehon do AnakNa na sasada i tu portibi on, asa angka na porsea di Ibana dilehon huaso asa gabe Anak ni Debata nasida. 

Huria: 

Haleluya, pinuji ma Tuhan i saleleng ni lelengna, ai dilehon do haluaon na manongtong di na manghaposi ibana jala ditobus nasida sian dosa. 

Uluan: 

On ma halalas ni roha godang di hita na sian Tuhan i: Ai naung tubu do di hamu Sipalua i, i ma Kristus, Tuhan i! On ma partinandaan di hamu: Posoposo do dapotonmuna, na binorhos peak di panggagatan. Balga do asi ni rohaNa sahat ro di saleleng ni lelengna. 

Huria: 

Haleluya, marolopolop do tondinghu binahen ni holong ni Tuhan i, Ibana ma Tuhan dohot Rajanghu saleleng ni lelengna. 

Uluan: 

Lehon ma roham tu Ibana, bahen ma roham gabe inganan di hatutubuNa i, ai na sihol do rohanNa mian di bagasan Roham. 

Uluan + Huria: 

Hasangapon ma di Debata di ginjang, dame ma di tano on, di angka jolma halomoan i. Amen. Hundul ma huria.

2. Marende BE No. 48 “Ria ma Hita Sasude” ayat 1 – 2 

Ayat 1 
Ria ma hita sasude mamuji Debata.
Girgir ma parendenta be, :,: ai i do na tama. :,:

Ayat 2 
Diungkap Debatanta i banuaginjang i.
Disuru do AnakNa i, :,: hangoluanta i. :,:

3. Liturgi Dakdanak (5 tahun ke bawah) 

Prolog: 

Halongangan situtu do panompaon na pinatupa ni Debata. Ditompa Debata do langit dohot tano dohot laut dohot nasa isina sian na so adong. Marmula do sasudena i sian Hata ni Debata. Tabege ma pajojorhon Liturgi di Mula ni Mulana sian Dakdanak. 

1 Musa 1:1 

4. Marende BE No. 569 “O Debata Tung Longang do Rohangku” ayat 1-2 

Ayat 1
O Debata, tung longang do rohangku,
molo hubereng na tinompaMi.
Saluhut bintang, hilap dohot ronggur
manghatindanghon hasangaponMi.
Refrein
Marende au Tuhan mamuji Ho, o Debata sangap do Ho.
Marende au Tuhan mamuji Ho, o Debata Sangap do Ho.

Ayat 2
Di ladang, di adaran dohot tombak,
marende pidong tung mansai sonang.
Punsu ni dolok, sunge dohot rura,
mamaritahon sangapMi Tuhan.
Mulak tu ref.

5. Liturgi 1 – Panompaon 

Prolog: 

Songon on do panompaon ni Debata di portibi on. Ditompa Debata do langit, tano nang laut dohot nasa isina. Ai jadijadian ni tanganNa do saluhut na uli na denggan nasa na adong. Ditompa nang jolma i tumiru rupaNa bahen sangap di goarNa. Tabege ma pajojorhon Liturgi na Parjolo: 

1 Musa 1 : 1 – 5

1 Musa 1 : 6 – 8

1 Musa 1 : 9 – 10

1 Musa 1 : 11 – 13

1 Musa 1 : 14 – 19

1 Musa 1 : 20 – 23

1 Musa 1 : 24 – 28 

1 Musa 1 : 29 – 31

6. Koor  

7. Liturgi 2 – Hadadabu ni Jolma tu Dosa 

Prolog: 

Tuk do holan sanghababa sian Debata gabe hangoluan ni nasa na tinompaNa i, alai tung sude do nasa isi ni tano on ndang tuk parsaulihonon ni sahalak na gulut di arta. I do mula ni dosa i, ndang olo jolma i manghasabamhon na di ibana, sai na hurang do dihilala rohana, gabe diula jolma i ma dosa laho mangoloi hagiot ni dagingna. Tabege ma pajojorhon Liturgi na Paduahon:

1 Musa 3 : 1 – 3

1 Musa 3 : 4 – 5 

1 Musa 3 : 6 – 7 

1 Musa 3 : 8 – 10  

1 Musa 3 : 11 – 12

1 Musa 3 : 13 – 15

1 Musa 3 : 16 – 19 

1 Musa 3 : 20 – 24

8. Persembahan Pujian  

9. Marende BE No. 681 “Ale Amang Asi RohaM” ayat 1 – 2 

Ayat 1
Ale Amang asi rohaM di au pardosa on.
Unduk do rohangkon nuaeng marsomba di joloM.
Unang jujur, unang jujur angka dosangki.
Sai salpuhon, sai salpuhon sian rohaM i.

Ayat 2
Amang sai pargogoi ma au di hasiangan on.
TondiM pasaor tu tondingkon pamalum rohangkon.
Sai usehon, sai usehon TondiMi tu au.
Asa monang maralohon parungkilon au.

10. Liturgi 3 – Panghorhon ni Dosa (Hajahaton ni Jolma) 

Prolog: 

Dosa na binahen ni jolma i mambahen jolma i gabe mandao jala diparuar sian porlak Eden, alai nang pe songon i ndang na muba jolma i. Ngolu ni jolma di portibi on tong do ndang malua sian dosa. Songon dia do Debata mangadopi dosa ni jolma na lam rarat i? Tabege ma pajojorhon Liturgi na Patoluhon. 

1 Musa 6 : 1 – 3

1 Musa 6 : 4 – 6 

1 Musa 6 : 7 – 8 

11. Marende BE No. 45 “Hosianna Anak ni Raja David” ayat 1-2 

Ayat 1
Hosianna! Anak ni Raja David ro tu hita.
Baen ture dalanNa i, asa bongot tu rohanta.
Baen ma gabagaba i di Tuhanta na ro i.

Ayat 2
Hosianna! Ro ma Ho tu bagasan rohanami;
Na manomunomu Ho ale Jesus Tuhannami.
Las do rohanami i molo bongot Ho tusi.

12. Liturgi IV – Bagabaga Haluaon

Prolog: 

Nunga mardosa jolma i, ndang adong be tagamon na denggan parjambaranna. Uhum si saleleng ni lelengna nama tohap ni pardosa i, alai ndang dihalomohon Debata mate angka parjahat i di bagasan dosana. Gabe dibagabagahon Debata ma haroro ni Sipalua Jolma sian jea. Tabege ma pajojorhon Liturgi na paopathon: 

Jesaya 40 : 3 – 4  

Jesaya 62 : 10 – 11  

Jesaya 60 : 1 – 2

Jesaya 60 : 3 – 4  

Jesaya 61 : 1 – 2  

Jesaya 61 : 3 – 4  

Sakaria 9 : 9 

Jesaya 42 : 1 – 4  

Jesaya 65 : 17 – 18

13. Puisi

14. Marende BE No. 57 “Nunga Jumpang Muse Ari Pesta i” ayat 1-2

Ayat 1
Nunga jumpang muse ari pesta i,
hatutubu ni Tuhanta Jesus i.
Tuat do Ibana sian surgo i, mebat tu hita on.
Hasangapon di Debata, dame, dame ma di jolma;
las ni roha ni Debata hajolmaon muse.

Ayat 2
Beta ale dongan tu Betlehem i,
itasomba ma dakdanak na disi;
na tinongos ni Parasiroha i, Debata Ama i.
Hasangapon di Debata, d.u.

15. Liturgi V – Hatutubu ni Sipalua

Prolog: 

Ai songon on do Holong ni roha Debata tu portibi on, pola do AnakNa na sasada i dilehon, asa unang mago ganup jolma, asa hangoluan na saleleng ni lelengna di ibana. Tabege ma pajojorhon Liturgi na palimahon:

Lukas 2 : 1 – 2  

Lukas 2 : 3 – 4  

Lukas 2 : 5 – 6 

Lukas 2 : 7 – 8 

Lukas 2 : 9 – 10 

Lukas 2 : 11 – 12

Lukas 2 : 13 – 15

Lukas 2 : 16 – 18

Lukas 2 : 19 – 20

16. Marende BE No. 605 “Las ma Roham” ayat 1 – 2 

Ayat 1
Las ma roham Tuhanta ro gumomgom sasude.
Ungkap roham, jangkon Rajam,
marende ma sude, marende ma sude,
marende, marende ma sude.

Ayat 2
Tano nang laut, harangan i, nang awangawang i;
hauma i, nang sunge i olophon Raja i, olophon Raja i,
olophon, olophon Raja i.

17. Liturgi Ragam Bahasa Lukas 2:10-11

Prolog:

Balga situtu di holong ni Debata di jolma i. Ndang olo Debata mago jolma i di bagasan dosana. Dibahen i do asa disangkapi Debata paluahon jolma i. Mansai arga do pambahenan ni Tuhan i, pola do AnakNa na sasada i dilehon manobus jolma i. Gabe daging do Hata i, jala mian di tongatonga ni hita on. Debata na marmulia jala na sangap, ro sian harajaonNa tu portibi on. Ditadinghon do hasangaponNa i jala tubu Ibana di inganan na mansai lea, Raja ni saluhut do Ibana alai tubu ibana di panggagatan di Betlehem. Ndada na so tarpatupa ni Debata nian inganan na uli dohot dalan na dumenggan sian i. Alai songon tanda do i, haroro ni Sipalua ro di bagasan serep ni roha mamboan barita halalas ni roha di angka halak na metmet. Barita las ni roha do hatutubuNa i, jangkonon ni sude angka bangso. Songon dia do angka bangso i, manjangkon barita las ni roha i? Tabege ma pajojorhon Liturgi Ragam Bahasa.

Bahasa Inggris
Bahasa Angkola
Bahasa Jawa
Bahasa Pakpak
Bahasa Simalungun
Bahasa Toba
Bahasa Karo
Bahasa Madura
Bahasa Indonesia 

Catatan: Untuk Liturgi Ragam Bahasa silakan kunjungi postingan berikut ⏬ 

Liturgi Ragam Bahasa - Lukas 2 ayat 10 - 11 

18. Marende BE No. 54 “Sonang ni Bornginna i” – Pagalak Lilin
Ayat 1
Sonang ni bornginna i, uju ro Jesus i.
Sonang modom do halak sude, holan dua na dungo dope;
mangingani Anakna, Jesus Tuhanta i.

Ayat 2
Denggan ni bornginna i, uju ro Jesus i.
Tu parmahan di Betlehem i, dipaboa na di surgo i;
nunga ro Sipangolu, Jesus Tuhanta i.

Ayat 3
Godang ni tua disi di na ro Jesus i.
Tung malua pardosa muse, sian hamagoanna sude;
ala ro Sipangolu, Jesus Tuhanta i.

- Parjamita 
- Ketua Panitia Natal 
- Ketua Punguan 
- Penasihat 
- Mewakili Ama 
- Mewakili Ina 
- Mewakili Naposo/ Dakdanak

19. Renungan Natal 

20. Marende BE No. 607 “Nunga Tubu Kristus i” ayat 1 – 2 

Ayat 1
Nunga tubu Kristus i, Haleluya; di huta Betlehem i, Haleluya.
Gabe daging Hata i, Haleluya; di mula ni Natal i, Haleluya.

Ayat 2
Na rade tarsilang i, Haleluya; di partangkurahan i, Haleluya.
Mangoloi AmaNa i, Haleluya; lao manghophop jolma i, Haleluya.

21. Tangiang Pangondianon 

22. Marende BE No. 597b “Baritahon di Dolok” ayat 1 ...   huhut papungu Pelean

Refrein
Baritahon di dolok, di rura, di sude inganan.
Baritahon di dolok, naung tubu Kristus i.

Ayat 1
Ro do surusuruan tu ladang Efrata,
mandapothon parmahan, tompu mansai torang. Mulak tu ref.

Ayat 2
Mabiar do parmahan tu pardisurgo i.
Angka surusuruan marende borngin i. Mulak tu ref.

Ayat 3
Diborhos do Tuhanta di panggagatan i.
Songon na pinaboa ni pardisurgo i. Mulak tu ref.

23. Parsuruon 

Uluan: 

On pe hamu angka dongan, tanda naung tubu Jesus i di ngolunta, taeahi ma na tau padamehon dohot pauliulihon hita sama hita, masiasian jala masihaholongan ma hita. Saluhut riting ni roha, panonggahion dohot panginsahion dao ma i sian hita. 

Huria: 

Martua ma na lambok roha, ai teanon nasida do tano on.

Uluan: 

Martoruk ni roha situtu ma hamu, masihehean di bagasan holong ni roha dohot marharinggason mangaradoti hasadaon i. Martua ma siboan dame, ai goaron do nasida anak ni Debata. Togu ma  rohamuna di bagasan Tuhan i, dohot di bagasan hagogoon na togu i, lam tang ma haporseaonmuna, solukhon hamu ma, pahean sinjata na sian Debata, asa taralo hamu na tau mangago hamu. 

Huria: 

Jongjong ma hita marhohoshon hasintongan, marsipatu haringgason, mangulahon na denggan, asa gabe pasupasu ma hita tu na humaliang hita, dalanta marpanindangion di haporseaon tu Tuhan i. Saroha sapingkiran ma hita di bagasan Kristus Tuhan i, masihaholongan ma hita sama hita, ala naung jumolo Debata manghaholongi hita.

Uluan: 

Ida ma, denggan na i dohot sonang na i, molo tung pungu sahundulan angka na marhaha maranggi.

Huria: 

Tuhan pargogoi ma hami patupahon lomo ni rohaM di portibi on, mamboan dame dohot holong ni roha tu na humaliangnami, songon Ho ale Amang naung jumolo manghaholongi hami. Amen. 

24. Tangiang Panutup (Pelean + Ale Amanami + Pasupasu) 

25. Mangendehon Selamat Ari Natal 

Selamat hari Natal, selamat hari Natal.
Selamat hari Natal dan Tahun Baru

Salam bagimu sekalian.
Selamat hari Natal dan Tahun Baru

Selamat hari Natal, selamat hari Natal.
Selamat hari Natal dan Tahun Baru

VI. Hata Huhuasi 

- Ketua Panitia Natal 
- Ketua Punguan 
- Penasihat 
- Undangan 

VII. Makan Bersama 

VIII. Acara Hiburan

- Tarian
- Vocal Solo
- Vocal Grup
- Bingkisan Natal

IX. Selesai

Selamat Hari Natal 
dan
Menyambut Tahun Baru 

Untuk melihat bentuk dokumen, silakan klik di sini! ⏬ 

Contoh Tata Ibadah Perayaan Natal Punguan Marga 

Catatan: 

Semua iklan yang terdapat pada website dan tulisan ini tidak ada hubungannya dengan timothysaragi.com. 

Dapatkan update artikel terbaru dari timothysaragi.com. Mari bergabung di Channel WhatsApp atau "timothysaragi.com Artikel Update", caranya klik link https://whatsapp.com/channel/0029VapB7ASBVJlBihjSSW2q, kemudian join. Atau di Channel Telegram, caranya klik link https://t.me/timothysaragicomupdate, kemudian join. Anda harus install aplikasi Telegram terlebih dulu di ponsel